ഗോള് വലയ്ക്കു മുന്നില് സീയോന് സുസുക്കിയുടെ ഉജ്വല പ്രകടനമാണ് നെതര്ലന്ഡ്സിനെ 2-2 സമനിലയില് തളയ്ക്കാന് ജപ്പാനെ സഹായിച്ചത്. മത്സരത്തില് അത്യുജ്വല നാല് സേവുകള് സുസുക്കി നടത്തി.
ഡച്ച് സംഘത്തിന്റെ നിരന്തര ആക്രമണം പ്രതിരോധിച്ച സുസുക്കി, ഡോണേല് മാലെന്, കോഡി ഗാക്പോ, യാന് പോള് വാന് ഹെക്കെ എന്നിവരുടെ ഉറച്ച ഗോള് ശ്രമങ്ങള് നിര്ജീവമാക്കി.
51-ാം മിനിറ്റിലാണ് മത്സരത്തില് സുസുക്കി ആദ്യ ഗോള് വഴങ്ങിയത്. സുസുക്കിയുടെ പാസിംഗ് കൃത്യത 75 ശതമാനമായിരുന്നു എന്നതും ശ്രദ്ധേയം.
സുസുക്കിയുടെ മിന്നും രക്ഷപ്പെടുത്തല് നെതര്ലന്ഡിനെ സമനിലയില് പൂട്ടി. ഫിഫ ലോകകപ്പ് ചരിത്രത്തില് രണ്ട് തവണ ലീഡ് നേടിയശേഷം നെതര്ലന്ഡ്സ് സമനില വഴങ്ങിയത് ആദ്യം.